»-(¯`v´¯)-» اهــلا وســهــلا بــالــزائــر الــكريــم ســجــل مــعــنــا وانــفــعــنــا بــمــا لــد يــك مــن مــعــلــومــات و مــواضــيــع مــفــيــده»-(¯`v´¯)-»



 
الرئيسيةس .و .جبحـثالأعضاءالمجموعاتالتسجيلدخولتسجيل دخول الاعضاء
السلام عليكم ورحمة الله وبركاته اخي الكريم اختي الكريمة لاتنسى ذكر الله.
انشرنا على المواقع الاجتماعية :
FacebookTwitterEmailWindows LiveTechnoratiDeliciousDiggStumbleponMyspaceLikedin
ضيفنا الكريم حللت أهلاً .. ووطئت سهلاً .. أهلاً بك بين اخوانك واخواتك في منتديات السويدان آملين أن تلقى المتعة والفائدة معنا حيـاك الله

شاطر | 
 

 ياشين الحقران

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الــمــد يــر الــعــام
Admin
avatar

عدد المساهمات : 709
نقاط : 2133
السٌّمعَة : 4
تاريخ التسجيل : 04/10/2011
العمر : 24

مُساهمةموضوع: ياشين الحقران    الثلاثاء ديسمبر 27, 2011 3:34 am


هلااااااااا والله

تحياتي للجميع


اقرأ ترى الدعوة خربانة


والقصة مالهاااااا وما عليهااااااا


والفائدة منهاااااا خيال واااااااااسع


وكثرة افلااااااام خيالية وما ادري ايش


مقدمــــه:-

مسيكم بالخير كلبوكم اليوم قصتي عن الحقران وياشين بعض الشيبان اذا حقر
ولده!! ودقن ولده تقول عش غراب في في ضلع ((يعني مافيه ملامح شين وشعر
اكتملت)) نصيحتي للشيبان لايحقرون عيالهم ترى الحقران يخليهم يتتنون ((توني
طايح في التتن)) ونصيحه للبزران لاتسوي فيها رجال وابطك مابعد نبت على
العموم مهما يصير يبقى الأب اب ((احلف)) و شيبانكم لأتعاندونهم لاتصيبكم
عقوبه تخسفبكم ويبلشون بكم اهلكم زود ودوكم قصتي....


رؤس الاقلاااام:-

الحقران..((يعني مسحوب عليك ولاتسوى فص بردقان))<-- مدري احس فص ماتجي
الشوزل..((بندق جعلها ترش وجه العدو)) ا
دشير...((اي قروب يجمع اصيع خلق الله)) ا
النفاس..((هو اذا ولدت الحرمه ترقد على مرقد وتقعد تتنفس))<-- يلعن ابو ثقافتن تعرفها ا
نيزك...((حصاة كبيرة حارة)) ا
القصـــــــــه:- ا


انولدت في يوم 29 رمضان ((يعني خربت العيد على امي)) الساعه اذان العشاء
((اول مرة اسمع بهالساعه)) وكان مكان ميلادي في المستودع حق البيت كانت امي
مادتن يدها بتاخذ قوطي فليت بتبخ نامس لاعبن في وجه اخوي ((صايرن وجهه كنه
ثايرتن فيه شوزل)) المهم يوم انها رفعت يدها وانا اللي ابط ((أي طحت))
تحتها وتاطئ وجهي وتمسك المصير اللي في سري وترفعني به الين ماوصلت وجهها
وقالت من ذاا حقه؟؟((وين طلعت صروال)) وعرّفت اني ولدها وقالت لاااا وولد
بعد ((كنا 12 ولد وودها ببنيه)) وهي اللي تفلت سري مع الصدمه واجيك في
الهوى نازل بسرعه مليون متجه للبلاط واتفادى الموقف يومني مسكت طرف المصير
واسوي به لفه واقعد ادور به مثل كاوبوي واسفه على المروحه قبل لا اوصل
للأرض وتنتثر ملامحي واتدودل((أي تعلقت)) كني فرخ امعشيش((يعني
عنكبوت))المهم وتحقرني امي وتعطيني ظهرها واسمعها تنادي الشغاله وتقول
غسليه ولفيه في خيشة الطحين ورقديه عندك ((ومن هنا بدا الحقران معي)) طنشت
هالحركه وقلت ياولد خلك اكبر منهم ومشهاااا لهم دامك تلبس حفاظه وكبرت سنه
بعد سنه وكل يوم اناظر اشباهي في القزازة حقت الفرن هي تغيرت ولا لا
((ماعندنا مرايه عند امي وحدة بس وموزيتها تخاف تتشلخ من الشين اللي فينا))
ا



المهم يوم صف الدقن وصار كنه ابط تيس وانطلق ارزز وجهي عند ابوي اتميلح
قدامه ابيه يشوف الدقن ((رحت للحلاق و حددت الدقن لانه هو ووجهي لون واحد
والتحديد يسوي خط فاصل بينهم )) المهم وبعد جهدن جهيد قز ابوي الشعيرات
وقال انت لاعبن بكحل امك في وجهك؟؟؟((قمه الحقران)) قلت لاهذا دقني الجديد
يبه ((قمه البراءة)) قال قم واغسل وجهك هاللي كنه ابط صومالي يتمغط لا
اكوفنك يالسرسري رحت على بالي مجروح وقمت اتعصر في غرفتي ودي اصيح وماطلعت
الصيحه مدري ليش؟؟ وكبرت وصرت رجال وصار عمري 28 سنه ولازلت محقور واذا جيت
اطلع مع ربعي قفلو الباب وان جبت ربعي دخلت امي بجلالها وطردتهم تقول ما
اجتمعتو الا على خساسه يالدشير ((صدقوني قاعدين نسولف عن افلام مرعبه ))
المهم واشوف الوضع وكل ماله يشين وكل مالي اصير بزر بزود في عيونهم واشوفهم
في العزايم يدخلوني مع الرد الثاني واصف في تبسي مع بزور اكبر واحد في
سادس وخربت الاخلاق وصارحت اهلي وقلت ياجماعه والله كبرت وودي اعرس!! قالت
امي تو مرت خالك متغطيه عنك يالقرد تبيني اخطب بنتها وش بتقول عناا؟؟؟
وتخرب في عيوني وقلت والله لاوريهم شغلهم واعلمهم من البزر..قمت وطقيت سيكل
اربعطش وكل ماجاء ابوي رجاجيل قمت افحط بالسيكل في السور قدامهم وركبي
ارفع من كتوفي واقوم واحط لي صندقه واربي حمام وكل يوم فوق الخزان تصفير
وتحويم في هالحمام وترجيم على بيوت الجيران .. ا



شوي ويجتمعون الجيران كلهم ويرنون الجرس وقالو لبوي شف هالثور اللي على
الخزان دقنه متعدي سرة((قايل لكم لون واحد وفاصخ الفنيله اكش بها الحمام
ويحسبون الشعر واصل سري)) ويكشف حريمنا وفلّق عيالنا اقضبه وكف شره عنا
ولابنبلغ عنه..ويطمر ابوي ويجيني وانا قاعد اصفر فوق الخزان ((منها تصفير
للحمام ومنها ابي شغاله الجيران ترفع راسها كانت تكنس السيب)) وقال انزل
يالسمرمدي فضحتنا بلحيتك عند الجيران هذا كبرك وتكشف بيوت الناس؟؟ قلت
الحين انا رجال فوق الخزان وبزر في مجلسك ؟؟ قال انزل جعلك ماتكبر ويمال
الحقران طول عمرك ((كانت الدعوة قويه وصابت)) طنشته وقعدت ادربل بالدربيل
حقي واناظر اسياب الجيران لايكون طايحن لي حمامه ولاشي ((أي هين)) والله
وارفع راسي بالدربيل ابشووف حمامي وين راح واشوووف شي بعيد بالدربيل يمشي
مليووون وراه ضوووو ((نيزك))متجه للخزان ولجبهتي بالتحديد وانا اللي اطمر
وانزل بسرعه للقبو وافتح الفريزر واطب فيه ((نذل ماعلمت اهلي)) ويجيك
النيزك بسرعته ويصادف بيتنااا الزاويه حقة الكرة الارضيه ((يعني في
الطرف))ويمسحه النيزك مسح ويواصل طريقه وكانت شطفه النيزك عكس دوران الارض
ويوم مسح بيتناا خلى الكرة الارضيه تدور بالعكس ومن اثار الضربه تطايرو
العالم في السماء طلعو برى الغلاف الجوي وفضت الكرة الارضيه ومابقي الا انا
وبزران الحضانه في مستشفى الشميسي ((طبعأ انا جمدت في الفريزر وثلجت وقعدت
خمسين سنه))ونصف اللي طلعو برى الغلاف ماتو بسبه شهب ونيازك مسحت
ملامحهم... ا



كبرو اللي بالحضانه جيل جديد مايدري وشلون العالم كانو عايشين انتقلو لزمن
جديد وتزوجو وعيلو و عقب خمسين سنه طلعوني من الفريزر وحطوني على الطاوله
يحتروني اموع بيطبخوني ((شافوني مثلج بثوبي يحسبوني فخذ حاشي محطوط كامل))
والله يوم بداء يموع الثلج وطقتني الشمس نبض قلبي من جديد وصحيت وقمت رابص
((كني طالع من مسبح بثيابي)) وكنت ناسي كل شي واقوم واطلع في السور حق
البيت ولقيت شايب في مشايه ((حقت البزران ام كفرات)) يلعب في السور ومعه
عضاضه ((اللي تطلع الضروس)) مشيت مفهي مدري وش السالفه طلعت للمسجد ابصلي
الظهر ويشطفني شايب عمرة ستين بسكوتر ويفحط بها ودخلت المسجد ولقيت روضه
المسجد كلها بزران اعمارهم من 7 الى 9 والشيبان في اطراف الصفوف وطارت
عيوني واستغربت وش السالفه؟؟؟ طلعت من المسجد ولقيت بزر عمرة 7 سنين قاعد
يهوش ومعصب على 4 شيبان ويقول حسبي الله عليكم فشلتوني وفضحتوني لعنبو
بليسكم ياللي ماتخافون الله تتكلمون وانتم ساجدين يالسملق اوجعني بطني عقب
هالموقفه وقلت وش هالبزر ادير وجهه بكف يومه يهاوش هالشيبان بس اللي خلاني
اسكت اني شفتهم منزلين روسهم ويقولون توبه والله مانعيدها مشيت منيب مستوعب
وش القصه ومدري وش اللي قاعد اشوفه ويمر من جنبي باص البنات ((متعود دايم
هالحزة البس شماغي الجديد على صروال وفنيله وارتز عند الباب اغازل دليل بنت
جارنا)) ويوقف قدامي وتنزل عجيز عمرها 80 سنه لابسه مريول كحلي فيه ورد
سماوي ((في المتوسطه)) ومنحنيه يالله تمشي ((كنت احسبها تدور مفتاحها طايح
منها)) وجوالها يرن وحاطه نغمه اغنيه طالعه من بيت ابوها ... رايحه لبيت
الجيران وباقي العجز يطلن مع درايش الباص وانواع الأستهبال يالله حسن
الخاتمه



ركبت سيارتي ومريت من عند مدرسه ابتدائيه ولقيت شياب يطلعون يركضون ويقولون
طليعه طليعه اصغر واحد عمرة 50 معلقين شناطهم على كتوفهم واتجهت لطريق
الملك فهد ابروح للعليا لبيت عمي وامسك الخط واقراء اللوحات اللي على طريق
الملك فهد ولقيت العليا جنوب!!! واناظر وافتح عيوني واديور ولقيت السويدي
شمال!!!! واللوحات متغيرة ((عقب ماضرب النيزك الأرض اختلف دوران الأرض وصار
الشمال جنوب والجنوب شمال والشرق غرب والغرب شرق وانعكس في الدنيا كل شي
صارو الحريم يولدون شياب ويصغرون يعني عكس الزمن الاول وصارو عيال العليا
يدورون في السويدي يشخصون<-- الاحساس بالنقص شين وصارت حايل بدال جيزان
وصارت جيزان هي في الشمال والدنيا تغيرت علي واناظر في الدنيا الجديدة
والتفت على يميني واشوف هالشيبان ملحمين في باص حريم عجز طالعين من الثانوي
وملحمين وبمعاريضهم يرقمون واناظر قدامي واشوف بزر معه تتنه ومركب معه خمس
شياب عياله يسوق بهم ويهوش عليهم صوته طالع من ورى القزاز وراهم صيفو عليه
مرجعهم للبيت كل واحد يمص في عسكريم دخلت مدرسه يدرس فيها عمي ولقيت
طلابها!! اولى ابتدائي يتفسحون في الفصل عشانهم شيبان مرة ومايقوون ينزلون
تحت وريحه الفصل خياس ((فسحتهم حافظات جريش وقرصان)) وكل مارحت لفصل ارفع
كل ماصغرو في العمر الين الجامعه كلهم بزران وصارت عزايمهم مافيها صجه كل
عيالهم في ملحق ودله قهوة واللي يقلطون اول البزران وثم الشيبان وبرضو
حريمهم صارن يحملن من ورى((يعني كن الوحدة فيها حدبه)) والنفاس قبل الحمال
با اربعين يوم واذا ولدت تنست بخس يابس((وشي ذي؟؟)) واشوف الحريم اذا بغو
يزورون وحدتن والده كانها جايبتن ولد خذو لها هديه بشت وعصى وسبحه واذا
جايبتن بنت خذو لها هديه سجادة وديرم ولبان <-- طبعأ الهدايا للمولود
أسترجعت الذاكرة وربطت الأمور وتوقعت ان الدنيا انعكست بس للأسف كنت امشي
بالنظام القديم حسب توقيت الزمن الاول وكنت اكبر في زمني واصغر في زمنهم
لان الكبر عندهم بزارة وأستسلمت للأمر الواقع وسلمت نفسي لشهار اللي صارت
في محل بقيق وحتى شهار ماقبلوني فيها لاني صغير واحتاج الى حضانه ومتابعه
وانا الشيب ضارب شعر صدري



الفايــدة:-



اني انحقرت في الزمن حقي وفي زمنهم وعشت في الزمنين بزر ا

انعدم المثل اللي يقول الأ ياليت الشباب يعود يوماً


خلك في مطوعة اهلك واحترم شيبانك وقلهم ابشرو وخلهم يدعون لك ولايدعون عليك
((طبعأ الكلام موجه للأعضاء اللي من الزمن الاول))<---اقول اسكت احسن
لك <<<<<






ترااااااااااه منقووووووووووول ووو كنت مستعجله وماقريته كله يعني لو فيه كلمه مي قد المقااام اعذروني


وسلامتكم
الرجوع الى أعلى الصفحة اذهب الى الأسفل
http://suwaidan.forumarabia.com
 
ياشين الحقران
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: مـنـتـديـات الـسـويـدان :: مـنـتـديـات الـسـويـدان الـتـرفـيـهـه :: نكت عراقية - تحشيش عراقي - اضحك معنا-
انتقل الى: